சமூக ஊடகங்களில் 40 மொழிகளில் பேசி அனைவரையும் ஆச்சரியத்தில் ஆழ்த்தி வருகிறார் ஜப்பானிய இளைஞரான யூஜி பெலெஸா. அந்நிய நாட்டு வீதிகளில் வழிப்போக்கர்களைச் சந்தித்து, அவர்களின் தாய்மொழியில் பேசி வியக்க வைக்கிறார். அரபு, தாய் மற்றும் குர்திஷ் போன்ற கடினமான மொழிகளையும் துல்லியமாக அடையாளம் கண்டு பேசி, மக்கள் மத்தியில் ஒரு உணர்ச்சிப்பூர்வமான பிணைப்பை இவர் உருவாக்கி வருகிறார்.

ஜப்பானிய தந்தை மற்றும் ஐரிஷ் தாய்க்கு மகனாகப் பிறந்த யூஜிக்கு சிறுவயது முதலே மொழிகள் மீது அதிக ஆர்வம் இருந்தது. ரஷ்ய மொழியில் தொடங்கிய இவரது பயணம் இன்று பல நாடுகளின் இதயங்களை வென்றுள்ளது. வெளிநாடுகளில் திடீரெனத் தனது தாய்மொழியைக் கேட்கும்போது மக்கள் நெகிழ்ச்சியடைகின்றனர். மொழிகள் மூலம் உலக மக்களை ஒன்றிணைப்பதே யூஜி பெலெஸாவின் இந்த தனித்துவமான முயற்சியின் நோக்கமாகும்.