2026 டி20 உலகக்கோப்பை வெற்றிக்குப் பிறகு, தென்னாப்பிரிக்காவில் நடைபெறவுள்ள 2027 ஒருநாள் உலகக்கோப்பையை வெல்வதே இந்திய அணியின் அடுத்த இலக்காகும். 16 ஆண்டுகால ஐசிசி கோப்பை கனவை நனவாக்க பிசிசிஐ இப்போதே முறையான திட்டங்களை வகுத்து வருவதாக தலைமை பயிற்சியாளர் கௌதம் கம்பீர் தெரிவித்துள்ளார். பிஸியான கால அட்டவணைகளுக்கு இடையிலும் ஒருநாள் போட்டிகளுக்கான தயாரிப்பில் எந்த சமரசமும் செய்யப்போவதில்லை என்பதில் அவர் உறுதியாக உள்ளார்.

கம்பீரின் புதிய திட்டத்தின்படி, 2026 ஐபிஎல் முடிந்தவுடன் உலகக்கோப்பைக்கான இறுதி கட்ட தயாரிப்புகள் தொடங்கும். தென்னாப்பிரிக்க ஆடுகளங்களுக்கு ஏற்றவாறு வீரர்களின் பட்டியல் தயார் செய்யப்பட்டு வருகிறது. உலகக்கோப்பைக்கு முன்னதாக சிறந்த அணியைத் தேர்வு செய்ய குறைந்தது 25 முதல் 30 ஒருநாள் போட்டிகளில் விளையாட இந்தியா திட்டமிட்டுள்ளது. பயிற்சியாளராக கம்பீர் இந்தியாவிற்கு மீண்டும் மகுடம் சூட்டுவாரா என்பதை பொறுத்திருந்துதான் பார்க்க வேண்டும்.