செய்தி பிரிவு : புதைக்கப்பட்டு 20 ஆண்டுகள் கடந்த நிலையிலும் ஒருவரின் உடல் இன்னும் அப்படியே இருப்பதை கண்ட மக்கள் பெரும் அதிர்ச்சியில் உள்ளனர். உத்தரபிரதேசத்தின் கௌசாம்பி மாவட்டத்தில் நடந்துள்ள இந்த சம்பவம், இயற்கையின் விதிகளுக்கு அப்பாற்பட்ட ஒரு விஷயமாக பார்க்கப்படுகிறது. பொதுவாக சில நாட்களில் அழுகிப்போகும் மனித உடல், இத்தனை காலத்திற்கு பிறகும் சிதையாமல் இருப்பது பொதுமக்களிடையே பெரும் பேசுபொருளாகியுள்ளது.

மறைந்த மௌலானா அன்சாரின் மகன் தனது தந்தையின் கனவு கட்டளையை ஏற்று கல்லறையை சீரமைக்க தோண்டியபோது இந்த அதிசயம் வெளிப்பட்டது. 2003ல் அடக்கம் செய்யப்பட்ட உடல், தற்போதும் புத்தம் புதியது போல இருப்பதை கண்டு அந்த பகுதியே திரண்டு வந்து பார்த்தது. இந்த நிகழ்வு மக்களின் நம்பிக்கையை உறுதிப்படுத்துவதோடு, ஆன்மீக ரீதியிலான ஒரு பெரிய தாக்கத்தையும் ஏற்படுத்தியுள்ளது.