ஐபிஎல் 2026 சீசனின் விறுவிறுப்பான ஆட்டத்தில் மும்பை இந்தியன்ஸ் மற்றும் கொல்கத்தா நைட் ரைடர்ஸ் அணிகள் இன்று வான்கடே மைதானத்தில் மோதுகின்றன. கடந்த 14 ஆண்டுகளாக தனது முதல் லீக் போட்டியில் வெற்றி பெறாத மும்பை அணி, அந்த மோசமான சாதனையை இன்று மாற்ற துடிக்கிறது. வான்கடே மைதானத்தில் மும்பைக்கு எதிராக கேகேஆர் அணி இதுவரை இரண்டு முறை மட்டுமே வென்றுள்ளது என்பது குறிப்பிடத்தக்கது.

இந்த போட்டியில் அனைவரது கவனமும் கேகேஆர் அணியின் ஃபின் ஆலன் மீது உள்ளது. இந்த ஆண்டு டி20 போட்டிகளில் 50 சிக்ஸர்களை விளாசி சாதனை படைத்துள்ள இவர், மும்பை பந்துவீச்சாளர்களுக்கு சிம்ம சொப்பனமாக விளங்குவார் என எதிர்பார்க்கப்படுகிறது. ரோஹித் சர்மா மற்றும் சுனில் நரைன் இடையிலான இந்த பலப்பரீட்சை ரசிகர்களுக்கு விருந்தாக அமையப்போவது உறுதி.