நடப்பு ஐபிஎல் 2025 தொடரில் 300 ரன்கள் அடிக்கும் சாதனை நிகழக்கூடும் என கிரிக்கெட் வல்லுநர்கள் கணித்துள்ளனர். கடந்த சீசனில் 250-க்கும் அதிக ரன்கள் அடித்த சம்பவம் 10 முறை நிகழ்ந்தது. இதில் சன்ரைசர்ஸ் ஹைதராபாத் அணி மட்டுமே 8 முறை 250 ரன்கள் கடந்து புதிய சரித்திரம் படைத்தது.

அதே ஹைதராபாத் அணி கடந்த சீசனில் ராயல் சாலஞ்சர்ஸ் பெங்களூரு அணிக்கு எதிராக 287 ரன்கள் குவித்து வரலாற்று சாதனை படைத்தது. மேலும் லக்னோ அணிக்கு எதிராக 166 ரன்கள் இலக்கை வெறும் 9.4 ஓவர்களிலேயே எட்டியது. இந்த வெற்றிகளில் டிராவிஸ் ஹெட் மற்றும் அபிஷேக் சர்மா ஜோடி மிகப்பெரிய பங்காற்றியது.

இப்போதே பல்வேறு அணிகளில் அதிரடி பேட்ஸ்மேன்கள் இருப்பதாலும், ஐபிஎல் போட்டிகளின் வேகம் அதிகரித்துவருவதாலும், இந்த சீசனில் 300 ரன்கள் குவிக்கப்படும் வாய்ப்பு அதிகம் என்று எதிர்பார்க்கப்படுகிறது.