தமிழக சட்டப்பேரவைத் தேர்தல் தேதி அறிவிக்கப்பட உள்ள நிலையில் வேட்பாளர் தேர்வுப் பணிகளில் திமுக தீவிரம் காட்டி வருகிறது. விருப்பமனு அளித்தவர்களிடம் மார்ச் 17-ஆம் தேதி முதல் நேர்காணல் நடத்த அக்கட்சி திட்டமிட்டுள்ளது. இதில் முதல்வர் நேரடியாகப் பங்கேற்று தகுதியான வேட்பாளர்களைத் தேர்வு செய்ய உள்ளார்.

தேர்தலில் போட்டியிட 15 ஆயிரத்திற்கும் மேற்பட்டோர் விருப்பமனு அளித்துள்ள நிலையில் இந்த நேர்காணல் முக்கியத்துவம் பெறுகிறது. இதற்கான அதிகாரப்பூர்வ அறிவிப்பு இன்று வெளியாக வாய்ப்புள்ளது. தேர்தல் களம் சூடுபிடித்துள்ள நிலையில் வேட்பாளர் பட்டியலை இறுதி செய்யும் பணிகளில் திமுக தலைமை முழுவீச்சில் இறங்கியுள்ளது.