கடுமையான வெயில் பல்வேறு மாவட்டங்களை வாட்டி வருகிறது. இதனால் பொதுமக்கள் அதிக அவதிக்கு உள்ளாகின்றனர். வெப்பத்தால் ஏற்படும் உடல் பாதிப்புகளை உணர்வது முக்கியம். சிவந்த மற்றும் வறண்ட சருமம், வாந்தி எரிச்சல், தலைவலி, சோர்வு, காலில் பிடிப்பு, மூச்சுத்திணறல், நெஞ்சு துடிதுடிப்பு, தலைசுற்றல், மயக்கம், பதற்றம் போன்றவை வெப்பநிலை காரணமாக உடல் பாதிக்கப்படும் அறிகுறிகளாக அமைகின்றன.

இவ்வாறான பாதிப்புகளிலிருந்து பாதுகாப்பாக இருக்க, உடலுக்கு தொடர்ந்து ஈரப்பதம் கொடுப்பது அவசியம். அதிகளவில் தண்ணீர், மோர் போன்ற திரவங்களை குடிக்க வேண்டும். வெளியில் அதிக நேரம் இருக்க வேண்டியிருந்தால் குளிர்ச்சியான உடை அணிந்து, அவ்வப்போது ஓய்வெடுத்து, வாய்ப்பிருந்தால் குளிர்ந்த நீரில் குளிப்பது நல்லது. வெப்பத்தால் ஏற்படும் ஆபத்துகளைத் தவிர்க்க, உடல் கொடுக்கும் எச்சரிக்கைகளை உணர்வது முக்கியம்.