நடிகர் விஜய்யின் குடும்ப விவகாரம் சமூக வலைதளங்களில் விவாதமாகியுள்ள நிலையில், அவரது மனைவி சங்கீதா குறித்து பகிரப்பட்ட ஆபாசமான கருத்துக்கள் பெரும் அதிர்ச்சியை ஏற்படுத்தியுள்ளன. இதுகுறித்து இயக்குனர் அமீர் தனது கடும் கண்டனத்தைப் பதிவு செய்துள்ளார். சங்கீதாவின் புகைப்படத்தைப் பகிர்ந்து தரக்குறைவான முறையில் விமர்சித்ததைக் கண்டு தான் மிகுந்த வேதனையடைந்ததாக அவர் தெரிவித்துள்ளார். இந்த விவகாரத்தில் விஜய் ஏன் மவுனம் காக்கிறார் என்றும் அவர் கேள்வி எழுப்பியுள்ளார்.

கணவன் மனைவிக்குள் கருத்து வேறுபாடு இருந்தால் அதைச் சட்டப்படி தீர்த்துக் கொள்ளலாம், ஆனால் ஒரு பெண்ணை இப்படி இழிவாகப் பேசுவது முறையல்ல என அமீர் கூறினார். குறிப்பாக விஜய்யின் பிள்ளைகள் தங்கள் தாயைப் பற்றிய இத்தகைய பதிவுகளைப் பார்க்கும்போது எவ்வளவு பாதிப்படைவார்கள் என்பதை ரசிகர்கள் உணர வேண்டும் என அவர் அறிவுறுத்தினார். விஜய்யின் மவுனமே இத்தகைய அநாகரிகமான விமர்சனங்களுக்குக் காரணமாக அமைந்திருப்பதாக அமீர் சுட்டிக்காட்டியுள்ளார்.