புதுக்கோட்டையில் செய்தியாளர்களைச் சந்தித்த அமைச்சர் ரகுபதி தமிழக வெற்றிக் கழகத்தை கடுமையாக விமர்சித்தார். தவெக ஒரு விளம்பரக் கட்சி என்றும், அது மத்திய உள்துறை அமைச்சர் அமித் ஷாவின் ஸ்லீப்பர் செல்லாகச் செயல்படும் பாஜகவின் சி-டீம் என்றும் அவர் பகிரங்கமாகத் தெரிவித்தார்.

மேலும் திமுக ஆட்சியில் காவல்துறை சிறப்பாகப் பணியாற்றி வருவதாகக் குறிப்பிட்ட அவர், கடந்த கால அதிமுக ஆட்சியுடன் ஒப்பிடுகையில் தமிழகம் தற்போது பாதுகாப்பாக உள்ளதாகக் கூறினார். விஜய்யின் அரசியல் புரிதல் அற்ற பேச்சுகளைத் தாங்கள் ஒரு பொருட்டாகவே கருதவில்லை என்றும் அவர் சுட்டிக்காட்டினார்.