நடிகர் விஜய் கூட்டணியில் இணைவாரா என்பது குறித்து இன்னும் தெளிவான தகவல் இல்லை என்று திருச்சி விமான நிலையத்தில் மூத்த காங்கிரஸ் தலைவர் திருநாவுக்கரசர் தெரிவித்துள்ளார். திமுக மற்றும் காங்கிரஸ் இடையிலான கூட்டணி மிகவும் வலுவாக இருப்பதாகவும், வரும் சட்டமன்றத் தேர்தலில் இந்த கூட்டணி மிகப்பெரிய வெற்றியைப் பெறும் என்றும் அவர் உறுதிபடக் கூறினார்.

தமிழகத்தின் சட்டம் ஒழுங்கு குறித்து பேசிய அவர், ஒரு சில சம்பவங்களை வைத்து ஒட்டுமொத்த நிலையை மதிப்பிட முடியாது என்றார். மேலும், தனக்கு சட்டமன்றத் தேர்தலில் போட்டியிடவோ அல்லது அமைச்சர் ஆகவோ விருப்பமில்லை என்றும், வாய்ப்பு கிடைத்தால் மீண்டும் எம்பியாகவே விரும்புவதாகவும் அவர் குறிப்பிட்டார்.