தமிழக சட்டமன்றத் தேர்தலை முன்னிட்டு நடிகர் விஜய்யின் தமிழக வெற்றி கழகத்துடன் கூட்டணி அமைக்க என்டிஏ தீவிரம் காட்டி வருகிறது. விஜய்க்கு 80 தொகுதிகள் மற்றும் ஆட்சி அமைந்தால் துணை முதல்வர் பதவி வழங்க பாஜக தலைமை முன்வந்துள்ளதாகத் தெரிகிறது. விஜய்யின் மக்கள் செல்வாக்கை பயன்படுத்தி ஸ்டாலின் எதிர்ப்பு வாக்குகளை கவரவே இந்த வியூகம் வகுக்கப்பட்டுள்ளது. அண்டை மாநில துணை முதல்வர் ஒருவர் இந்த பேச்சுவார்த்தையில் முக்கிய பங்காற்றி வருவதாக தகவல்கள் வெளியாகியுள்ளன.

இருப்பினும் முதல்வர் பதவியே விஜய்யின் பிரதான இலக்காக இருப்பதால் கூட்டணியில் இழுபறி நீடிக்கிறது. பாஜக அவரை இரண்டாம் இடத்திலேயே வைக்க விரும்புவதும், ஆரம்பத்திலேயே தேசிய கூட்டணியில் இணைந்தால் கட்சியின் தனித்துவம் பாதிக்கும் என தவெக தரப்பு கருதுவதும் முட்டுக்கட்டையாக உள்ளன. இந்த கூட்டணி அமைந்தால் தமிழக அரசியலில் பெரும் மாற்றம் ஏற்படும் என்பதால் விஜய்யின் அடுத்த கட்ட நடவடிக்கை மிகுந்த எதிர்பார்ப்பை ஏற்படுத்தியுள்ளது.