தமிழ் திரைப்பட உலகில் பிரபலமாகி வரும் நடிகர் மற்றும் இயக்குநர் பிரதீப் ரங்கநாதன் தற்போது தன்னுடைய வெற்றிப் பாதையில் தொடர்ந்து முன்னேறி வருகிறார். அவரின் ‘லவ் டுடே’ மற்றும் ‘டிராகன்’ ஆகிய திரைப்படங்கள் ரசிகர்களிடம் அமோக வரவேற்பைப் பெற்ற நிலையில், பிரபல நடிகர் விஜய் அவரை பாராட்டிய நிகழ்வு ரசிகர்களிடையே பரபரப்பை ஏற்படுத்தியுள்ளது.

சமீபத்தில் நடிகர் விஜய், பிரதீப் ரங்கநாதனை சந்தித்த போது, “கலக்குறீங்க ப்ரோ!” என பாராட்டியதாக பிரதீப் தனது சமூக ஊடகப் பக்கத்தில் குறிப்பிட்டுள்ளார். இதனால் நெகிழ்ந்த பிரதீப், விஜய்யுடன் எடுத்துக் கொண்ட புகைப்படத்தையும் பகிர்ந்துள்ளார். இந்த சந்திப்பு குறித்து அவர், “உங்கள் அனைவருக்கும் என் உணர்வு புரிந்திருக்கும்” என்று உருக்கமாக தெரிவித்தார். விஜயின் பாராட்டை பெற்றுள்ள பிரதீப்புக்கு, அவரது ரசிகர்கள் வாழ்த்து தெரிவித்து வருகிறார்கள்.