இங்கிலாந்துக்கு எதிரான டெஸ்ட் தொடரில் இந்திய விக்கெட் கீப்பர் ரிஷப் பந்த் பேட்டிங்கில் சிறப்பான ஆட்டத்தை வெளிப்படுத்தி வருகிறார். இதுவரை விளையாடிய மூன்று போட்டிகளில் இரண்டு அரைசதங்கள் மற்றும் இரண்டு சதங்களை அடித்துள்ளார். மேலும், ரிஷப் பந்த் உலக டெஸ்ட் சாம்பியன்ஷிப் (WTC) வரலாற்றில் ஒரு தனித்துவமான சாதனையைப் படைத்துள்ளார். இப்போட்டியில் 4 வெவ்வேறு தொடர்களில் 15-க்கும் மேற்பட்ட சிக்ஸர்களை அடித்த முதல் வீரர் என்ற பெருமையை அவர் பெற்றுள்ளார். தற்போதைய நான்காவது தொடரில், அவர் வெறும் மூன்று போட்டிகளிலேயே இந்த சாதனையை எட்டியுள்ளார், இது அவரது அதிரடி ஆட்டத்திற்கு சான்றாகும். மான்செஸ்டர் டெஸ்டில் பந்த் விளையாடும் வாய்ப்பு கிடைத்தால், இந்தியாவின் அதிக சிக்ஸர்கள் அடித்த வீரர் என்ற வீரேந்திர சேவாக்கின் சாதனையை முறியடிக்கலாம். பந்த் தற்போது 88 சிக்ஸர்களுடன் உள்ளார், சேவாக் 90 சிக்ஸர்களுடன் முதலிடத்தில் உள்ளார்.