பிசிசிஐ விருதுகள் விழாவில் ராஜஸ்தான் ராயல்ஸ் கேப்டன் சஞ்சு சாம்சன், 14 வயது இளம் வீரர் வைபவ் சூரியவன்ஷியின் தன்னம்பிக்கை குறித்து நெகிழ்ச்சியுடன் பேசினார். அறிமுகப் போட்டிக்கு முன் பயிற்சியாளர் ராகுல் டிராவிட் அவரிடம் ஆலோசனைகளை வழங்கியபோது, “பந்து எனது ஏரியாவிற்கு வந்தால் முதல் பந்திலேயே சிக்ஸர் அடிப்பேன்” என்று வைபவ் தைரியமாக கூறியுள்ளார். சொன்னபடியே ஷர்துல் தாக்கூர் பந்துவீச்சில் சிக்ஸர் விளாசி அனைவரையும் வியப்பில் ஆழ்த்தினார்.

2026 அண்டர்-19 உலகக்கோப்பை இறுதிப்போட்டியில் இங்கிலாந்துக்கு எதிராக 175 ரன்கள் குவித்து இந்தியாவிற்கு கோப்பையை வென்று கொடுத்தார் வைபவ். மேலும், ஐபிஎல் வரலாற்றில் மிகக் குறைந்த வயதில் சதமடித்த வீரர் என்ற சாதனையையும் படைத்துள்ளார். வரும் ஐபிஎல் தொடரில் சிறப்பாக விளையாடி ராஜஸ்தான் ராயல்ஸ் அணிக்கு கோப்பையை வென்று கொடுப்பதே தனது லட்சியம் என்று அவர் உறுதியுடன் தெரிவித்துள்ளார்.