ரம்ஜான் பண்டிகை வருகின்ற 31ஆம் தேதி (திங்கள்கிழமை) கொண்டாடப்பட உள்ளது. இந்த நாளுக்கு முந்தைய சனி மற்றும் ஞாயிறு ஆகிய தினங்களும் விடுமுறை என்பதால், மக்கள் தங்கள் சொந்த ஊர்களுக்கு செல்ல திட்டமிட்டு வருகின்றனர். இதனால், பெரும் மக்கள் கூட்டம் உருவாகும் என்பதால், போக்குவரத்துக் கழகம் கூடுதல் வசதிகளை ஏற்பாடு செய்துள்ளது.

கிளாம்பாக்கத்தில் இருந்து மாநிலத்தின் பல்வேறு பகுதிகளுக்கு 990 கூடுதல் பஸ்கள் இயக்கப்பட உள்ளன. அதேபோல், கோயம்பேட்டிலிருந்து திருவண்ணாமலை, நாகை, வேளாங்கண்ணி, ஓசூர், பெங்களூர் போன்ற பகுதிகளுக்கு 100 கூடுதல் பஸ்கள் இயக்கப்படும் என அதிகாரிகள் அறிவித்துள்ளனர். இந்த கூடுதல் பஸ்கள் மக்கள் நெரிசலை குறைத்து பயணிகளுக்கு வசதியாக இருக்கும் என்று எதிர்பார்க்கப்படுகிறது. பயணிகள் முன்கூட்டியே திட்டமிட்டு டிக்கெட் முன்பதிவு செய்து பயணத்தை வசதியாக மேற்கொள்ளலாம்.