இந்தியப் பிரதமர் நரேந்திர மோடியின் பிப்ரவரி 25-26 தேதிகளில் மேற்கொள்ளும் இஸ்ரேல் பயணம், பாதுகாப்புத் துறையில் ஒரு மைல்கல்லாக அமைய உள்ளது. சுமார் 8.6 பில்லியன் டாலர் மதிப்பிலான பாதுகாப்பு ஒப்பந்தங்களில் இரு நாடுகளும் கையெழுத்திட வாய்ப்புள்ளது. குறிப்பாக, 45 மணிநேரம் தொடர்ந்து பறக்கும் திறன் கொண்ட ‘ஹெரான் எம்கே-2’ வகை ட்ரோன்களை வாங்குவது குறித்து அதிக எதிர்பார்ப்பு நிலவுகிறது.

தற்போதைய போர்ச் சூழலில் ட்ரோன்கள் மிக முக்கியமான ஆயுதமாக உருவெடுத்துள்ளன. இவை ரேடாரில் சிக்காமல் துல்லியமாகத் தாக்கும் திறன் கொண்டவை. மோடியின் இந்தப் பயணத்தின் போது, ‘மேக் இன் இந்தியா’ திட்டத்தின் கீழ் இஸ்ரேலிய தொழில்நுட்பத்தைப் பயன்படுத்தி இந்தியாவிலேயே ட்ரோன்களை தயாரிப்பது குறித்து ஆலோசிக்கப்படும். இது இந்தியாவின் எல்லைப் பாதுகாப்பை மேலும் பலப்படுத்தும் என்று பாதுகாப்பு வல்லுநர்கள் கருதுகின்றனர்.