காங்கிரஸ் கட்சியின் மூத்த தலைவரும் முன்னாள் மத்திய இணையமைச்சருமான பீரன் சிங் எங்டி, உடல்நலக்குறைவால் குவாஹாட்டியில் உள்ள தனியார் மருத்துவமனையில் இன்று காலை காலமானார். 81 வயதான அவர், ராஜீவ் காந்தி அமைச்சரவையில் முக்கியப் பொறுப்பு வகித்தவர். திப்பு மக்களவைத் தொகுதியிலிருந்து ஐந்து முறை நாடாளுமன்ற உறுப்பினராகத் தேர்ந்தெடுக்கப்பட்டு மக்கள் பணியாற்றிய பெருமைக்குரியவர் இவர்.

இவரது மறைவுக்கு அசாம் முதல்வர் ஹிமாந்த பிஸ்வா சர்மா மற்றும் காங்கிரஸ் தலைவர்கள் ஆழ்ந்த இரங்கல் தெரிவித்துள்ளனர். அன்னாரது இறுதிச்சடங்குகள் திப்புவில் அரசு மரியாதையுடன் நடைபெறும் என்று குடும்பத்தினர் அறிவித்துள்ளனர். நீண்டகால அரசியல் அனுபவம் கொண்ட ஒரு சிறந்த தலைவரை அசாம் மாநிலம் இழந்துள்ளதாக அரசியல் வட்டாரங்கள் தெரிவிக்கின்றன.