உடல் நலத்தில் அக்கறை உள்ளவர்கள் தினமும் பல முட்டைகளை சாப்பிடுகிறார்கள். இது தவிர, காலை உணவு அல்லது இரவு தூங்குவதற்கு முன் ஒரு கிளாஸ் பால் குடிக்கும் பழக்கம் பலருக்கும் உள்ளது. ஜிம்மிற்கு சென்று தொடர்ந்து தசையை உருவாக்க முயற்சிப்பவர்களில் பலர் பாலுடன் பச்சையான முட்டையையும் கலந்து சாப்பிடுகிறார்கள்.

இந்த இரண்டு உணவுகளும் ஆரோக்கியத்திற்கு மிகவும் நன்மை பயக்கும் என்பதில் சந்தேகமில்லை.

ஆனால் முட்டையையும் பாலையும் ஒன்றாக சாப்பிட்டால் என்ன நடக்கும் என்பது பலருக்குத் தெரியாது. இது குறித்து பல்வேறு கருத்து வேறுபாடுகள் உள்ளன.

பலர் முட்டையையும் பாலையும் ஒன்றாக சாப்பிட்டால் செரிமான பிரச்சனைகள் ஏற்படும் என்று நம்புகிறார்கள். இருப்பினும், செரிமான பிரச்சனை இல்லாதவர்கள் இந்த இரண்டு உணவுகளையும் ஒன்றாக சாப்பிடலாம். பால் மற்றும் முட்டை ஆரோக்கியமான மற்றும் அதிக புரதம் நிறைந்தவை.

ஆனால் ஊட்டச்சத்து நிபுணர்கள், பால் மற்றும் முட்டைகளை ஒன்றாக சாப்பிடுவதால் பல்வேறு உடல்நல பிரச்சனைகள் ஏற்படும் என்கின்றனர். பால் மற்றும் முட்டைகளை ஒன்றாக சாப்பிடுவதால் ஏற்படும் பிரச்சனைகள் என்னென்ன என்று பார்க்கலாம்.

உண்மையில் முட்டை மற்றும் பால் இரண்டும் ஆரோக்கியமான கொழுப்புகள், புரதங்கள், அமினோ அமிலங்கள் மற்றும் கால்சியம் ஆகியவற்றால் நிரம்பியுள்ளன. இது உடல் மற்றும் மூளை வளர்ச்சிக்கு முக்கியமான பங்கு வகிக்கிறது.

ஆயுர்வேதத்தின் படி, இரண்டு வகையான புரதங்களை ஒன்றாக சாப்பிடுவது செரிமான பிரச்சனைகளை ஏற்படுத்தும். அதாவது வயிறு வீக்கம், அசௌகரியம், வயிற்று வலி மற்றும் வயிற்றுப்போக்கு கூட ஏற்படலாம். சில நேரங்களில் தோல் தொற்று கூட ஏற்படலாம்.

இருப்பினும், பேக்கிங் அல்லது சமையலில் முட்டை-பால் கலவையை பயன்படுத்துவதால் பக்க விளைவுகள் எதுவும் ஏற்படாது. ஆனால் பாலுடன் பச்சை முட்டையை கலந்து சாப்பிடாதீர்கள்.

நிபுணர்களின் கூற்றுப்படி, பாலுடன் பச்சை முட்டையை கலந்து சாப்பிட்டால் செரிமான பிரச்சனைகள் தொடங்கி சால்மோனெல்லா (ஒரு வகை பாக்டீரியா நோய்) நோயும் ஏற்படலாம். பால்-பச்சை முட்டையை ஒன்றாக சாப்பிட்டால் உணவு விஷம் மற்றும் பயோட்டின் குறைபாடு ஏற்படலாம்.

ஆகையால், பாலுடன் பச்சை முட்டையை கலந்து சாப்பிடக்கூடாது. இதை தொடர்ந்து சாப்பிட்டால் கொலஸ்ட்ரால் ஆபத்து அதிகரிக்கும். இருப்பினும், சமைக்காமல் முட்டை-பால் சாப்பிடுவதை தவிர்ப்பது நல்லது. இந்த இரண்டு வகையான புரதங்களையும் சாப்பிடுவதற்கு இடையில் குறைந்தது ஒரு மணி நேரம் இடைவெளி இருக்க வேண்டும்.