அமெரிக்காவின் தென் கரோலினாவில் சுமார் 100 ஆண்டுகளுக்கு முன்பு நடந்த ஒரு சம்பவம் இன்றும் பலரை வியப்பில் ஆழ்த்துகிறது. 1915 ஆம் ஆண்டு எஸ்சி டன்பார் என்ற பெண் இறந்துவிட்டதாக மருத்துவர்களால் அறிவிக்கப்பட்டு முறைப்படி அடக்கம் செய்யப்பட்டார். இறுதிச்சடங்கு முடிந்த சில நிமிடங்களில் அங்கு வந்த அவரது சகோதரி, தனது அக்காவின் முகத்தை கடைசி முறையாகப் பார்க்க விரும்பி புதைக்கப்பட்ட சவப்பெட்டியை மீண்டும் தோண்டி எடுக்கச் சொன்னார்.

சவப்பெட்டி திறக்கப்பட்டபோது அங்கிருந்தவர்கள் அனைவரும் அதிர்ச்சியில் உறைந்து போயினர். இறந்ததாகக் கருதப்பட்ட எஸ்சி டன்பார் திடீரென எழுந்து அமர்ந்து தனது சகோதரியைப் பார்த்து புன்னகைத்தார். மருத்துவர்களின் தவறான கணிப்பால் உயிருடன் புதைக்கப்பட்ட அவர், அந்த சம்பவத்திற்குப் பிறகு மேலும் 47 ஆண்டுகள் உயிர் வாழ்ந்தார். இறுதியில் 1962 ஆம் ஆண்டு தனது 77 வயதில் அவர் இயற்கை எய்தினார், இது ஒரு அபூர்வமான வரலாற்று நிகழ்வாகப் பதிவானது.