பிரிட்டனின் பாத் பல்கலைக்கழக ஆராய்ச்சியாளர்கள் 15 ஆண்டுகளுக்கும் மேலாக 6,000க்கும் மேற்பட்ட தம்பதிகளிடம் ஆய்வு செய்து, மனைவியின் வருமானம் கணவனின் வருமானத்திற்குச் சமமாகவோ அல்லது அதிகமாகவோ இருக்கும்போது கணவர்கள் அதிக மன உளைச்சலுக்கு ஆளாவதைக் கண்டறிந்துள்ளனர். கணவனின் மன அழுத்தம் குறைவாக இருப்பது, மனைவியின் வருமானம் மொத்த குடும்ப வருமானத்தில் 40% வரை இருக்கும்போதுதான் என்று ஆய்வு தெரிவிக்கிறது; இந்த வரம்பை தாண்டும்போது பதட்டம் அதிகரிக்கிறது. பாரம்பரியமான ‘ஆண் மட்டுமே சம்பாதிப்பவர்’ என்ற சமூக நெறியின் காரணமாகவே, குறைவாகச் சம்பாதிக்கும் கணவர்கள் சமூக ரீதியாக பலவீனமாகவும் மதிப்பு குறைந்தவர்களாகவும் உணர்கிறார்கள்.

பொருளாதார நிபுணர் டாக்டர் ஜோவானா சிருதாவின் தலைமையிலான இந்த ஆய்வில், இந்த மன அழுத்தமானது உயர் இரத்த அழுத்தம், இதயப் பிரச்சினைகள் மற்றும் மனச்சோர்வு போன்ற உடல்நலப் பிரச்சினைகளாக வெளிப்படலாம் என்றும் தெரிய வந்துள்ளது. மேலும், மனைவியின் அதிக வருமானம் திருமண உறவில் அதிகார சமநிலையில் மாற்றத்தை ஏற்படுத்தி, சில சமயங்களில் பிரிவினைக்கும் விவாகரத்துக்கும் வழிவகுக்கிறது.