மேற்கு ஆசியாவில் நிலவும் புவிசார் அரசியல் பதற்றங்களால் உலகளாவிய பங்குச் சந்தைகளில் ஏற்ற இறக்கங்கள் காணப்பட்டாலும், இந்திய பாதுகாப்புத்துறை பங்குகள் வலுவான வளர்ச்சியை எட்டும் என எதிர்பார்க்கப்படுகிறது. உலகெங்கிலும் பாதுகாப்பு மற்றும் ராணுவ தயாரிப்புகளுக்கான நிதி ஒதுக்கீடு அதிகரித்துள்ளதால், இந்திய ஆயுத தயாரிப்பு நிறுவனங்கள் அதிக லாபம் ஈட்டக்கூடும் என்று மோதிலால் ஓஸ்வால் நிதி நிறுவனம் தெரிவித்துள்ளது. இது முதலீட்டாளர்களுக்கு ஒரு சிறந்த வாய்ப்பாக அமைந்துள்ளது.

குறிப்பாக பாரத் எலக்ட்ரானிக்ஸ் (BEL), ஹிந்துஸ்தான் ஏரோநாட்டிக்ஸ் (HAL), பாரத் டைனமிக்ஸ் (BDL) மற்றும் அஸ்ட்ரா மைக்ரோவேவ் (AMPL) ஆகிய நான்கு பங்குகள் மீது நேர்மறையான கணிப்புகள் வெளியிடப்பட்டுள்ளன. பிஇஎல் பங்கின் இலக்கு விலை ₹520 ஆகவும், எச்ஏஎல் ₹5500 ஆகவும் நிர்ணயிக்கப்பட்டுள்ளது. அதேபோல் பிடிஎல் ₹1800 மற்றும் ஏஎம்பிஎல் ₹1150 வரை உயரக்கூடும் என்பதால், சந்தையின் தற்போதைய சூழலில் இந்த பங்குகள் முதலீட்டாளர்களுக்கு நல்ல லாபத்தை பெற்றுத்தரும் என எதிர்பார்க்கப்படுகிறது.