மத்திய கிழக்கில் நிலவும் போர் பதற்றம் மற்றும் தொடர்ச்சியான ட்ரோன் தாக்குதல்கள் காரணமாக மைக்ரோசாப்ட் மற்றும் அமேசான் நிறுவனங்கள் துபாய் மற்றும் ஓமானில் உள்ள தங்களது முக்கிய தரவு மையங்களை இடமாற்றம் செய்யத் தொடங்கியுள்ளன. ஐக்கிய அரபு அமீரகம் மற்றும் பஹ்ரைனில் ஏற்பட்ட தாக்குதல்களால் வங்கி மற்றும் தொழில்நுட்ப சேவைகள் கடுமையாக பாதிக்கப்பட்டுள்ளன. இதனால் தரவு பாதுகாப்பு மற்றும் தடையற்ற சேவையை உறுதி செய்ய இந்த நிறுவனங்கள் இந்தியா மற்றும் சிங்கப்பூரை நோக்கி நகர்கின்றன.

இந்தியாவின் மேம்பட்ட கடல்சார் கேபிள் நெட்வொர்க் வசதிகள் மும்பை, சென்னை மற்றும் ஹைதராபாத் ஆகிய நகரங்களை தரவு மேலாண்மை மையங்களாக மாற்றியுள்ளன. மத்திய கிழக்கில் நிலவும் நிலையற்ற சூழல் நீடிக்கக்கூடும் என்பதால், நீண்ட கால பாதுகாப்பிற்காக இந்தியாவையே இந்த நிறுவனங்கள் முன்னுரிமையாக கருதுகின்றன. இந்த மாற்றம் இந்தியாவின் டிஜிட்டல் உள்கட்டமைப்பை வலுப்படுத்துவதுடன், நாட்டின் பொருளாதார வளர்ச்சிக்கு ஒரு மிகப்பெரிய வாய்ப்பாகவும் அமையும் என்று நிபுணர்கள் கருதுகின்றனர்.