ஸ்பெயினின் செவில்லில், ஒரு தந்தை தனது 10 வயது மகனின் தனிப்பட்ட கடிதத்தை அனுமதி இல்லாமல் படித்ததற்காக இரண்டு ஆண்டுகள் சிறைத்தண்டனை மற்றும் ₹2.33 லட்சம் (யூரோ) அபராதம் விதிக்கப்பட்டுள்ளார். குழந்தையின் அத்தை எழுதிய அந்தக் கடிதத்தில், தந்தையின் தவறான நடத்தை மற்றும் அவரை சட்டப்படி அம்பலப்படுத்துவதற்கான வழிகள் பற்றிய விவரங்கள் இருந்தன. ரகசியமான அந்தக் கடிதத்தைப் படித்ததன் மூலம் மகனின் தனியுரிமையை மீறியதாக நீதிமன்றம் தந்தையை குற்றவாளியாக அறிவித்தது.

கடிதம் தவறுதலாகத் திறக்கப்பட்டதாகவும், அத்தை மகனைத் தூண்டிவிடுவதாகவும் தந்தை நீதிமன்றத்தில் வாதிட்டார். இருப்பினும், இந்தக் கூற்றுகளை நீதிமன்றம் நிராகரித்தது. பாதுகாவலராக இருந்தாலும், கடிதத்தைத் திறக்கும் முன் தந்தைக்கு மகனின் சம்மதம் தேவை என்று நீதிமன்றம் திட்டவட்டமாகத் தெரிவித்தது. தனிப்பட்ட தனியுரிமையின் முக்கியத்துவத்தையும் அதன் சட்டப் பாதுகாப்பையும் இந்தத் தீர்ப்பு வலியுறுத்துகிறது.