13,500 கோடி ரூபாய் அளவிற்கு பஞ்சாப் நேஷனல் வங்கியில் மோசடி செய்து நாடு விட்டுத் தப்பிய மেহுல் சோக்சி தற்போது பெல்ஜியத்தில் இருப்பதாக தகவல் வெளியாகியுள்ளது. 2018 ஆம் ஆண்டில் இந்தியாவில் இருந்து ஓடிப்போன சோக்சி, கரீபியன் தீவுகளில் இருப்பதாக நம்பப்பட்டு வந்த நிலையில், அசோசியேட்டெட் டைம்ஸ் என்ற ஊடகம் வெளியிட்ட தகவலில் அவர் பெல்ஜியத்தின் ஆண்ட்வெர்ப் நகரத்தில் இருப்பதாக கூறப்பட்டுள்ளது.

மத்திய அரசு சோக்சியை இந்தியா திருப்பிக்கொண்டு வருவதற்கான நடவடிக்கைகளை தொடங்கியுள்ளதாக தகவல்கள் தெரிவிக்கின்றன. அவருடன் அவரது மனைவி ப்ரீதி சோக்சியும் இருப்பதாகவும், அவர் அந்நாட்டு குடிமகள் என்பதால் சோக்சிக்கும் பெல்ஜிய குடியுரிமை கிடைக்க வாய்ப்பு இருப்பதாக கூறப்படுகிறது.

முன்னதாக, அவர் அன்டிகாவில் தஞ்சமடைந்திருந்த நிலையில், அந்த நாட்டின் நீதிமன்றம் அவரை வெளியேற்ற முடியாது என தீர்ப்பு அளித்தது. தற்போது, பெல்ஜிய குடியுரிமை கிடைத்தால், சோக்சியை இந்தியா அழைத்துவருவது மேலும் சிக்கலாகும் என எதிர்பார்க்கப்படுகிறது.