புதுச்சேரி சட்டசபை தேர்தலில் என்.டி.ஏ கூட்டணியில் தொகுதி பங்கீடு தொடர்பாக பாமக தலைவர் அன்புமணி ராமதாஸ் கடும் அதிருப்தியில் உள்ளார். என்.ஆர். காங்கிரஸ் மற்றும் பாஜக இடையே தொகுதிகள் ஒதுக்கீடு செய்யப்பட்ட நிலையில், பாமகவுக்கு இதுவரை இடங்கள் ஒதுக்கப்படவில்லை. இது குறித்து மாநில பாஜக தரப்பில் கேட்டபோது, டெல்லி மேலிடமே முடிவெடுக்கும் என கைவிரித்துவிட்டனர்.

டெல்லி தலைமையைத் தொடர்பு கொள்ள அன்புமணி முயன்றும் பலன் கிடைக்கவில்லை. மேலும், முதல்வர் ரங்கசாமியை சந்திக்க நேரம் கேட்டும் ஒதுக்கப்படாதது பாமகவினரிடையே கொந்தளிப்பை ஏற்படுத்தியுள்ளது. கடந்த முறையைப் போலவே இந்த முறையும் சீட் மறுக்கப்படுவதால், ஏப்ரல் 9-ம் தேதி நடைபெறவுள்ள தேர்தலில் பாமகவின் அடுத்தகட்ட நடவடிக்கை என்னவாக இருக்கும் என்ற எதிர்பார்ப்பு எழுந்துள்ளது.