சந்தீப் ரெட்டி இயக்கத்தில் பிரபாஸ் கதாநாயகனாக நடிக்கும் ‘ஸ்பிரிட்’ திரைப்படத்தில் இருந்து முன்னணி நடிகை தீபிகா படுகோன் விலகியதாக தற்போது செய்திகள் வெளியாகியுள்ளன. சம்பளம் மற்றும் படக்குழுவுடனான ஒத்துப் போகாத அணுகுமுறை போன்ற காரணங்களால் அவர் இந்த முடிவை எடுத்ததாக கூறப்படுகிறது. ஆரம்பத்தில் படக்குழுவினர் தீபிகா கூறிய சம்பளத்தை ஏற்றுக்கொள்ள தயக்கம் காட்டியதாகவும், இந்த விஷயத்தில் பல சுற்று பேச்சுவார்த்தைகள் நடைபெற்றதாகவும் தகவல்கள் தெரிவிக்கின்றன.

மேலும், தீபிகா படப்பிடிப்பிற்கு ஒரு நாளைக்கு ஆறு மணி நேரம் மட்டுமே வர ஒப்புக்கொண்டதாகவும், ஒப்பந்தத்தில் குறிப்பிட்ட நாட்களை விட படப்பிடிப்பு நீண்டால் கூடுதல் கட்டணம் கோரியதாகவும் கூறப்படுகிறது. இந்த நிபந்தனைகள் படக்குழுவிற்கு சங்கடத்தை ஏற்படுத்தியதால், வேறு நடிகையை தேர்வு செய்ய அவர்கள் முடிவு செய்துள்ளதாக தெரிகிறது. இந்த திடீர் மாற்றத்தால் ‘ஸ்பிரிட்’ படத்தின் படப்பிடிப்பு பணிகள் தற்காலிகமாக பாதிக்கப்படலாம் என்ற எதிர்பார்ப்பு நிலவுகிறது. இருப்பினும், இது குறித்த அதிகாரப்பூர்வ அறிவிப்பு இதுவரை வெளியாகவில்லை.