தமிழக சட்டமன்றத் தேர்தல் நெருங்கும் வேளையில் நடிகர் விஜய்யின் தமிழக வெற்றிக் கழகம், அதிமுக அல்லது பாஜகவுடன் கூட்டணி அமைக்க உள்ளதாகப் பரவி வரும் செய்திகளை அக்கட்சி திட்டவட்டமாக மறுத்துள்ளது. இது குறித்து விளக்கம் அளித்த தவெக இணை பொதுச்செயலாளர் சி.டி.ஆர். நிர்மல் குமார், எந்தக் கட்சியுடனும் கூட்டணி பேச்சுவார்த்தை நடைபெறவில்லை என்றும் இத்தகைய தகவல்கள் முற்றிலும் உண்மையற்றவை என்றும் தெரிவித்துள்ளார்.

குறிப்பாக துணை முதல்வர் பதவி மற்றும் 50 தொகுதிகள் ஒதுக்கீடு போன்ற செய்திகள் திட்டமிட்டுப் பரப்பப்படும் வதந்திகள் என அவர் சாடியுள்ளார். அரசியல் லாபத்திற்காக திமுகவினரால் இத்தகைய குழப்பங்கள் விளைவிக்கப்படுவதாகக் குறிப்பிட்ட அவர், தொண்டர்களும் பொதுமக்களும் ஆதாரமற்ற செய்திகளை நம்ப வேண்டாம் என அறிவுறுத்தியுள்ளார்.