நேபாளம் தற்போது இந்திய ரூபாயில் ₹100க்கும் அதிகமான மதிப்புள்ள நோட்டுகளுக்கான தடையை நீக்க தயாராகி வருகிறது. கே.பி. ஷர்மா ஓலிக்குப் பிறகு இடைக்காலப் பிரதமர் சுஷீலா கார்க்கி தலைமையிலான அரசு இந்த முக்கியப் பொருளாதார முடிவை எடுத்துள்ளது. விரைவில் நேபாள ராஷ்டிர பாங்க் (NRB) இது குறித்து அதிகாரப்பூர்வ அறிவிப்பை வெளியிடவுள்ளது.

2016 பணமதிப்பிழப்பிற்குப் பிறகு கள்ள நோட்டு அபாயத்தைக் காரணம் காட்டி நேபாளம் இந்தத் தடையை விதித்திருந்தது. இதனால் சுற்றுலா மற்றும் எல்லையோர வர்த்தகம் கடுமையாகப் பாதிக்கப்பட்டது. இந்திய ரிசர்வ் வங்கியின் சமீபத்திய முடிவுக்குப் பிறகு, நேபாள அரசு இந்த தடையை நீக்க முடிவு செய்துள்ளது. இது நேபாளத்தின் சுற்றுலாத் துறையினருக்கும், சுமார் 20 லட்சம் நேபாளப் புலம்பெயர் தொழிலாளர்களுக்கும் பெரும் நிவாரணம் அளிக்கும்.