கரூர் அதிமுக அலுவலகத்தில் நடைபெற்ற ஆலோசனைக் கூட்டத்திற்குப் பின் செய்தியாளர்களிடம் பேசிய அண்ணாமலை அமைச்சர் செந்தில் பாலாஜி நாளை சிபிஐ விசாரணைக்குச் செல்வதால் கடந்த ஒரு வாரமாக மிகுந்த பதற்றத்தில் இருப்பதாகக் குறிப்பிட்டுள்ளார். மேலும் கரூர் தொகுதியில் திமுகவினர் அராஜகத்தில் ஈடுபடுவதாகவும் வாக்காளர்களை அடைத்து வைக்கத் திட்டமிட்டுள்ளதாகவும் அவர் பகிரங்கமாகக் குற்றம் சாட்டியுள்ளார்.

கூட்டணி குறித்துப் பேசிய அவர் நடிகர் விஜய்யுடன் இதுவரை பேச்சுவார்த்தை எதுவும் நடைபெறவில்லை என்றும் தோல்வி பயத்தில் இருக்கும் திமுக தலைவர்கள் விஜய்க்கு அட்வைஸ் வழங்கி வருவதாகவும் விமர்சித்தார். தேர்தல் ஆணையம் உரிய நடவடிக்கை எடுக்க வேண்டும் என்று கோரிக்கை விடுத்த அவர் 2026 தேர்தலிலும் இதே போன்ற கண்காணிப்பு தொடரும் எனத் தெரிவித்தார்.