கான்பூர் பன்கி பகுதியில் உள்ள HDFC வங்கி கிளையில் பணிபுரியும் ஆஸ்தா சிங் என்ற ஊழியர், ஒரு நபரை தனது ஜாதியைக் குறிப்பிட்டு மிரட்டுவதும், லேப்டாப்பை தூக்கி அடிக்க முயல்வதுமான வீடியோ இணையத்தில் தீயாய் பரவி வருகிறது. இந்த விவகாரம் குறித்து ஆஸ்தா சிங் தற்போது தனது விளக்கத்தை அளித்துள்ளார்.

சக ஊழியரின் கணவருடன் மோதல்

வைரலாகும் வீடியோ முழுமையானது அல்ல என்று தெரிவித்துள்ள ஆஸ்தா சிங், இந்தச் சம்பவம் ஜனவரி 6-ம் தேதி நடந்ததாகக் குறிப்பிட்டுள்ளார். வங்கியின் முன்னாள் பெண் ஊழியர் ஒருவர் முறையான அறிவிப்பின்றி பணியை விட்டு விலக முயன்றபோது ஏற்பட்ட வாக்குவாதத்தில், அந்தப் பெண்ணின் கணவர் வங்கிக்குள் புகுந்து ஆஸ்தாவிடம் அநாகரீகமாக நடந்துகொண்டதாகக் கூறப்படுகிறது.

ஆஸ்தா சிங் கொடுத்த விளக்கம்

• சம்பந்தப்பட்ட நபர் வங்கியின் வாடிக்கையாளர் கிடையாது.
• ஆஸ்தாவின் ஜாதியை கேட்டு அவர் இழிவாகப் பேசியதாகவும், அதற்கு பதிலடி கொடுக்கும் வகையிலேயே ஆவேசமாகப் பேசியதாகவும் ஆஸ்தா தெரிவித்துள்ளார்.
• வேலையை விட்டு தூக்கிவிடுவேன் என மிரட்டியதால் ஏற்பட்ட ஆத்திரத்தில் ‘போட்டுத் தள்ளிடுவேன்’ (Thok Dungi) என்று கூறியதாக அவர் விளக்கம் அளித்துள்ளார்.

வங்கி எடுத்த நடவடிக்கை

இந்த விவகாரத்தில் ‘ஜீரோ டாலரன்ஸ்’ கொள்கையை கடைபிடிப்பதாகத் தெரிவித்துள்ள HDFC வங்கி, விசாரணை முடியும் வரை ஆஸ்தா சிங்கை ‘நிர்வாக விடுப்பில்’ (Administrative Leave) அனுப்பியுள்ளது. கான்பூர் போலீசாரும் இந்தச் சம்பவம் குறித்து கண்காணித்து வருகின்றனர்.