ஈரான் மற்றும் இஸ்ரேல் இடையிலான போர் பதற்றத்தால் கோடிக்கணக்கான ரூபாய் மதிப்பிலான இந்திய சரக்குக் கொள்கலன்கள் நடுக்கடலில் பாதுகாப்பற்ற நிலையில் நிறுத்தப்பட்டுள்ளன. ஹார்முஸ் ஜலசந்தி மற்றும் செங்கடல் பகுதிகளில் போர் மேகங்கள் சூழ்ந்துள்ளதால், சர்வதேச கப்பல் நிறுவனங்கள் சேவையை நிறுத்தியுள்ளன. இதனால் ஐரோப்பா மற்றும் வளைகுடா நாடுகளுக்குச் சென்ற சுமார் 25-க்கும் மேற்பட்ட பெரிய கப்பல்கள் ஓமன் மற்றும் ஐக்கிய அரபு அமீரகக் கடற்பரப்புகளில் நங்கூரமிட்டுள்ளன.

இந்தக் கப்பல்களில் உள்ள ஜவுளி மற்றும் உணவுப் பொருட்கள் வீணாகும் அபாயம் ஏற்பட்டுள்ளதால் ஏற்றுமதியாளர்கள் கவலையடைந்துள்ளனர். இதற்கிடையில் கப்பல்களுக்கான காப்பீட்டு கட்டணம் 300 சதவீதம் வரை உயர்த்தப்பட்டுள்ளது கூடுதல் சுமையை ஏற்படுத்தியுள்ளது. மத்திய கப்பல் போக்குவரத்துத் துறை அமைச்சகம் இந்தியக் கடற்படையுடன் இணைந்து நிலைமையை உன்னிப்பாகக் கவனித்து வருகிறது. கடற்படை போர்க்கப்பல்கள் பாதுகாப்பு வழங்கினாலும், ஏவுகணை மற்றும் ட்ரோன் அச்சுறுத்தல்களால் கப்பல் போக்குவரத்து இன்னும் சீரடையவில்லை.