சட்டசபைத் தேர்தல் நெருங்கும் வேளையில் அதிமுகவின் முக்கிய முகங்களை அறிவாலயம் அரவணைத்து வருவது தமிழக அரசியலில் பெரும் பரபரப்பை ஏற்படுத்தியுள்ளது. ஓபிஎஸ், வைத்திலிங்கம், அன்வர் ராஜா உள்ளிட்ட செல்வாக்குமிக்க தலைவர்களின் வருகை திமுகவின் பலத்தை இரட்டிப்பாக்கியுள்ளது. குறிப்பாக டெல்டா மற்றும் தென் மாவட்டங்களில் அதிமுகவின் வாக்கு வங்கியைச் சரிக்கும் நோக்கில் ஸ்டாலின் இந்த காய்களை நகர்த்தி வருகிறார்.

களப்பணியில் கைதேர்ந்த சுமார் 20 நிர்வாகிகளுக்கு வரும் தேர்தலில் போட்டியிட வாய்ப்பளிக்க திமுக திட்டமிட்டுள்ளதாகத் தெரிகிறது. இதன் மூலம் அதிமுகவை அடிமட்ட அளவில் பலவீனப்படுத்தி வெற்றியை உறுதி செய்ய ஸ்டாலின் கணக்குப் போட்டுள்ளார். மறுபுறம் முக்கிய நிர்வாகிகள் விலகிச் செல்வதை எடப்பாடி பழனிசாமி கண்டுகொள்ளாமல் இருப்பது அதிமுக தொண்டர்களிடையே கலக்கத்தை ஏற்படுத்தியுள்ளது.