மேற்கு வங்கத்தில் தேர்தல் முன்னேற்பாடுகளை ஆய்வு செய்த தலைமைத் தேர்தல் ஆணையர் ஞானேஷ் குமார், வன்முறை மற்றும் முறைகேடுகள் மீது ‘பூஜ்ஜிய சகிப்புத்தன்மை’ கொள்கை கடைபிடிக்கப்படும் என அறிவித்துள்ளார். வாக்காளர்கள் அச்சமின்றி வாக்களிப்பதை உறுதி செய்வதே ஆணையத்தின் முதன்மை நோக்கம் என்றும், தூய்மையான வாக்காளர் பட்டியலை தயாரிப்பதில் எந்த சமரசமும் செய்துகொள்ளப்பட மாட்டாது என்றும் அவர் செய்தியாளர்களிடம் உறுதிபடத் தெரிவித்தார்.

அதேவேளையில், மாநிலத்தில் சுமார் 60 லட்சம் வாக்காளர்களின் பெயர்களை நீக்குவது அல்லது சரிபார்ப்பது தொடர்பான குழப்பங்களுக்கு அவர் நேரடியான பதிலளிக்கவில்லை. இந்த சரிபார்ப்பு பணிகளுக்கான காலக்கெடு குறித்து ஆணையர் மௌனம் காப்பது அரசியல் வட்டாரத்தில் பெரும் விவாதத்தை கிளப்பியுள்ளது. துல்லியமான பட்டியல் இன்றி தேர்தல் நம்பகத்தன்மை உறுதி செய்யப்படுமா என்ற கேள்வியும் எழுந்துள்ளது.