அதிமுக பொதுச்செயலாளர் எடப்பாடி பழனிசாமி தனது சுயநலத்திற்காக கூட்டணிக் கட்சிகளைப் புறக்கணிப்பதாக புதிய தமிழகம் கட்சித் தலைவர் டாக்டர் கிருஷ்ணசாமி கடுமையாக விமர்சித்துள்ளார். தங்களுக்கு உரிய அங்கீகாரம் அளிக்கப்படாததால் அதிமுக கூட்டணியிலிருந்து விலகி தனித்துப் போட்டியிடப் போவதாக அவர் அறிவித்துள்ளார். தென் தமிழகத்தில் சுமார் 50 முதல் 60 தொகுதிகளில் அதிமுக டெபாசிட் இழக்கும் என்றும் அவர் எச்சரித்துள்ளார்.

விஜய்யின் தமிழக வெற்றிக் கழகத்துடன் கூட்டணி அமைப்பது குறித்து அக்கட்சியிடமிருந்து அழைப்பு வந்தால் பரிசீலிக்கத் தயார் என கிருஷ்ணசாமி தெரிவித்துள்ளார். எடப்பாடி பழனிசாமி தன்னைச் சுற்றியுள்ள சிலரின் வெற்றியை மட்டுமே குறிவைப்பதாகக் குற்றம் சாட்டிய அவர், 2026 சட்டமன்றத் தேர்தலில் அதிமுக படுதோல்வியைச் சந்திக்கும் என்றார். தற்போது 60-70 தொகுதிகளில் தங்கள் கட்சி தீவிரமாகப் பணியாற்றி வருவதாகவும் அவர் குறிப்பிட்டார்.