திருப்பதி லட்டுகளில் மாட்டு மற்றும் பன்றிக் கொழுப்பு கலப்படம் செய்யப்பட்டதாக எழுந்த புகாரானது பெரும் பரபரப்பை ஏற்படுத்தியது. இந்த குற்றச்சாட்டைத் தொடர்ந்து, திருப்பதி தேவஸ்தானத்திற்கு நெய் விநியோகம் செய்து வந்த திண்டுக்கல்லைச் சேர்ந்த A.R. டெய்ரி ஃபுட்ஸ் நிறுவனத்தின் உரிமத்தை ரத்து செய்து தேவஸ்தானம் அதிரடி நடவடிக்கை எடுத்தது. இந்த நடவடிக்கையால் அந்நிறுவனம் கடுமையான பின்னடைவை சந்தித்தது.

இந்நிலையில், தேவஸ்தானத்தின் இந்த உத்தரவை எதிர்த்து A.R. டெய்ரி ஃபுட்ஸ் நிறுவனம் சார்பில் சென்னை உயர்நீதிமன்றத்தில் மேல்முறையீடு செய்யப்பட்டது. இந்த மனுவை விசாரித்த உயர்நீதிமன்ற நீதிபதிகள், நிறுவனம் தரப்பில் முன்வைக்கப்பட்ட வாதங்களைக் கேட்டறிந்தனர். அனைத்து தரப்பு வாதங்களையும் கவனமாக பரிசீலித்த நீதிபதிகள், A.R. டெய்ரி ஃபுட்ஸ் நிறுவனத்தின் உரிமத்தை ரத்து செய்து தேவஸ்தானம் பிறப்பித்த உத்தரவு செல்லாது என்று தீர்ப்பளித்தனர். இந்த தீர்ப்பு, கலப்பட நெய் விவகாரத்தில் ஒரு புதிய திருப்பத்தை ஏற்படுத்தியுள்ளது.