திமுக மாணவரணி செயலாளராக இருந்த ராஜீவ் காந்தி அந்தப் பொறுப்பில் இருந்து விடுவிக்கப்பட்டு கட்சியின் கொள்கை பரப்பு இணை செயலாளராக நியமிக்கப்பட்டுள்ளார். அவருக்குப் பதிலாக வீரமணி என்ற பெண் புதிய செயலாளராக நியமிக்கப்பட்டுள்ளார். திமுக மாணவரணி வரலாற்றிலேயே ஒரு பெண் இந்த முக்கியப் பொறுப்பை ஏற்பது இதுவே முதல் முறையாகும். இதற்கான அதிகாரப்பூர்வ அறிவிப்பை கட்சியின் பொதுச்செயலாளர் துரைமுருகன் வெளியிட்டுள்ளார்.

இந்த மாற்றம் ராஜீவ் காந்திக்கு வழங்கப்பட்ட பதவி உயர்வா அல்லது புகாரால் எடுக்கப்பட்ட நடவடிக்கையா என்பது தொண்டர்களிடையே குழப்பத்தை ஏற்படுத்தியுள்ளது. மாணவரணி பெண் நிர்வாகிகள் அளித்த சில புகார்களின் அடிப்படையில் இந்த மாற்றம் நிகழ்ந்ததாகக் கூறப்படுகிறது. தேர்தல் நெருங்குவதால் இந்த புகார்கள் குறித்து கட்சித் தலைமை ரகசிய விசாரணை நடத்தி வருவதாக அரசியல் வட்டாரங்களில் பேசப்படுகிறது.