தமிழக சட்டமன்றத் தேர்தலில் திமுக தனது கூட்டணியில் தொகுதிப் பங்கீட்டை இறுதி செய்யும் பணியில் தீவிரமாக ஈடுபட்டுள்ளது. உதயசூரியன் சின்னத்தில் குறைந்தது 186 தொகுதிகளில் போட்டியிட திமுக திட்டமிட்டுள்ளதால், கூட்டணிக் கட்சிகளான காங்கிரஸ், விசிக மற்றும் கம்யூனிஸ்ட் கட்சிகளுக்கு ஒதுக்கப்படும் தொகுதிகளின் எண்ணிக்கை கடந்த முறையை விட குறைய வாய்ப்புள்ளது.

குறிப்பாக விடுதலை சிறுத்தைகள் மற்றும் கம்யூனிஸ்ட் கட்சிகளுக்கு தலா 5 முதல் 6 தொகுதிகள் மட்டுமே ஒதுக்க திமுக முன்வந்துள்ளதாகத் தெரிகிறது. புதிய வரவான தேமுதிகவிற்கும் எதிர்பார்த்ததை விட குறைவான இடங்களே ஒதுக்கப்படவுள்ளதால் அரசியல் வட்டாரத்தில் பரபரப்பு ஏற்பட்டுள்ளது. அடுத்த சில நாட்களில் இந்த தொகுதிப் பங்கீடு குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.