தமிழக சட்டமன்ற தேர்தல் அறிவிக்கப்பட உள்ள நிலையில், கடந்த 2001 முதல் 2021 வரை நடந்த ஐந்து தேர்தல்களின் முடிவுகள் முக்கியத்துவம் பெறுகின்றன. இந்த காலகட்டத்தில் அதிமுக மற்றும் திமுக கூட்டணிகளுக்கு இடையே கடும் போட்டி நிலவியது. குறிப்பாக ஜெயலலிதா தலைமையிலான அதிமுகவின் தொடர் வெற்றி மற்றும் திமுகவின் மைனாரிட்டி ஆட்சி போன்ற நிகழ்வுகள் தமிழக அரசியலில் திருப்புமுனையாக அமைந்தன.

தற்போதைய தேர்தலில் திமுக, அதிமுக, நாம் தமிழர் மற்றும் தமிழக வெற்றி கழகம் என நான்கு முனை போட்டி நிலவுகிறது. கடந்த காலங்களில் கூட்டணி ஆட்சிக்கு இடமளிக்காத திராவிட கட்சிகள், இந்த முறை மற்ற கட்சிகளின் கோரிக்கைகளால் புதிய சவால்களை எதிர்கொள்கின்றன. தொங்கு சட்டசபை அமைந்தால் கூட்டணி ஆட்சி அமைய வாய்ப்புள்ளதாக அரசியல் வட்டாரங்கள் கருதுகின்றன.