தமிழகத்தில் ஏப்ரல் 23ஆம் தேதி சட்டசபை தேர்தல் நடைபெறும் என தேர்தல் ஆணையம் அறிவித்துள்ள நிலையில், வேட்புமனு தாக்கல் செய்ய வெறும் நான்கு நாட்கள் மட்டுமே வாய்ப்புள்ளதாக மாநில தலைமை தேர்தல் அதிகாரி அர்ச்சனா பட்நாயக் தெரிவித்துள்ளார். மார்ச் 31 மற்றும் ஏப்ரல் 3, 4, 5 ஆகிய தேதிகள் பொது விடுமுறை என்பதால் அந்த நாட்களில் மனு தாக்கல் செய்ய முடியாது.

மொத்தம் 5.69 கோடி வாக்காளர்கள் உள்ள நிலையில், மே 4ஆம் தேதி வாக்கு எண்ணிக்கை நடைபெறவுள்ளது. காலக்கெடு நெருங்குவதால் வேட்பாளர்கள் மார்ச் 30, ஏப்ரல் 1, 2 மற்றும் 6 ஆகிய தேதிகளில் மட்டுமே தங்கள் மனுக்களை தாக்கல் செய்ய முடியும். கடைசி நேர குளறுபடிகளை தவிர்க்க முன்னதாகவே திட்டமிட்டு மனு தாக்கல் செய்யுமாறு வேட்பாளர்களுக்கு அறிவுறுத்தப்பட்டுள்ளது.