தமிழகத்தின் 16-வது சட்டசபை பதவிக்காலம் வரும் மே 10-ஆம் தேதியுடன் முடிவடைகிறது. இந்நிலையில், 17-வது சட்டசபை தேர்தலுக்கான அதிகாரப்பூர்வ அட்டவணையை இந்திய தேர்தல் ஆணையம் இன்று டெல்லியில் வெளியிட வாய்ப்புள்ளதாகத் தகவல்கள் வெளியாகியுள்ளன. ஏற்கனவே தேர்தல் ஆணைய அதிகாரிகள் சென்னையில் பாதுகாப்பு மற்றும் வாக்குச்சாவடி வசதிகள் குறித்து விரிவான ஆலோசனைகளை நடத்தி முடித்துள்ளனர்.

அனைத்து அரசியல் கட்சிகளும் ஒரே கட்டமாகத் தேர்தல் நடத்த கோரிக்கை விடுத்துள்ள நிலையில், இன்றைய அறிவிப்பு பெரும் எதிர்பார்ப்பை ஏற்படுத்தியுள்ளது. இம்முறை திமுக, அதிமுக ஆகிய திராவிடக் கட்சிகளுடன் விஜய் தலைமையிலான தமிழக வெற்றிக் கழகம் மற்றும் சீமானின் நாம் தமிழர் கட்சி எனப் பலமுனைப் போட்டி நிலவுவதால் தேர்தல் களம் இப்போதே சூடுபிடிக்கத் தொடங்கியுள்ளது.