தமிழக தலைமை தேர்தல் அதிகாரி அர்ச்சனா பட்நாயக் வெளியிட்டுள்ள இறுதி வாக்காளர் பட்டியலின்படி மாநிலத்தின் மொத்த வாக்காளர்கள் எண்ணிக்கை 5.67 கோடியாக உயர்ந்துள்ளது. இதில் 2.89 கோடி பெண் வாக்காளர்களுடன் ஆண்களை விட பெண்களே அதிக எண்ணிக்கையில் உள்ளனர். திருத்தப் பணிகளின் போது சுமார் 74 லட்சம் பெயர்கள் பட்டியலிலிருந்து நீக்கப்பட்டுள்ளன என்பது குறிப்பிடத்தக்கது.

தொகுதி வாரியான கணக்கெடுப்பில் செங்கல்பட்டு மாவட்டத்தின் சோழிங்கநல்லூர் 5.36 லட்சம் வாக்காளர்களுடன் தமிழகத்திலேயே முதலிடத்தில் உள்ளது. மிகக்குறைந்த வாக்காளர்களைக் கொண்ட தொகுதியாக சென்னை மாவட்டத்தின் துறைமுகம் தொகுதி கடைசி இடத்தில் உள்ளது. சென்னை மற்றும் அதன் சுற்றுவட்டாரப் பகுதிகளில் வாக்காளர் எண்ணிக்கையில் பெரும் மாற்றங்கள் நிகழ்ந்துள்ளதாக தேர்தல் ஆணையம் தெரிவித்துள்ளது.