மார்ச் 15 அன்று புதுடெல்லியில் நடைபெறும் பிசிசிஐ-யின் வருடாந்திர ‘நமன் விருது’ வழங்கும் விழாவில் ராகுல் டிராவிட் மற்றும் ஷுப்மன் கில் ஆகியோர் கௌரவிக்கப்பட உள்ளனர். இந்திய கிரிக்கெட்டிற்கு அவர் ஆற்றிய அளப்பரிய பங்கிற்காக முன்னாள் பயிற்சியாளர் டிராவிட்டிற்கு மதிப்புமிக்க ‘கர்னல் சிகே நாயுடு வாழ்நாள் சாதனையாளர் விருது’ வழங்கப்படுகிறது. இவரது பயிற்சியின் கீழ் 2024 டி20 உலகக் கோப்பையை இந்தியா வென்றது குறிப்பிடத்தக்கது.

இங்கிலாந்துக்கு எதிரான டெஸ்ட் தொடரில் சிறப்பாக விளையாடிய ஷுப்மன் கில் இந்த ஆண்டின் சிறந்த கிரிக்கெட் வீரராகத் தேர்ந்தெடுக்கப்பட்டுள்ளார். இதே மேடையில் மிதாலி ராஜுக்கும் வாழ்நாள் சாதனையாளர் விருது வழங்கப்படவுள்ளது. சிறந்த ஆல்ரவுண்டருக்கான லாலா அமர்நாத் விருது ஆயுஷ் மாத்ரேவுக்கும், சிறந்த உள்நாட்டு கிரிக்கெட் சங்கத்திற்கான விருது மும்பை கிரிக்கெட் சங்கத்திற்கும் பிசிசிஐ வழங்குகிறது.