இந்தியாவை ‘வரி ராஜா’ என்று அழைத்த டொனால்ட் டிரம்ப், தற்போது இந்தியப் பொருட்களுக்கு 50% வரி விதிக்கப் போவதாக அறிவித்துள்ளார், இதில் 25% அபராதமாகவும் விதிக்கப்பட்டுள்ளது. ரஷ்யாவிடம் இருந்து இந்தியா தொடர்ந்து எண்ணெய் மற்றும் ஆயுதங்களை வாங்குவதே இந்த நடவடிக்கைக்கு முக்கிய காரணமாக கூறப்படுகிறது. டிரம்ப்பின் இந்த முடிவு இந்திய ஏற்றுமதியை வெகுவாக பாதிக்கும்.

ஆனால், இந்தியா இதற்கு பதிலடி கொடுத்தால், அது அமெரிக்காவிற்கு பெரும் பின்னடைவாக அமையும். இந்தியாவில் கூகிள், ஆப்பிள், மைக்ரோசாஃப்ட், கோக-கோலா, அமேசான், பெப்சிகோ மற்றும் மெக்டொனால்ட்ஸ் போன்ற 30-க்கும் மேற்பட்ட அமெரிக்க நிறுவனங்கள் பெரிய அளவில் வர்த்தகம் செய்கின்றன. இந்த நிறுவனங்களின் லாபத்தில் பெரும் பகுதி அமெரிக்காவை சென்றடைகிறது. எனவே, இந்தியா பதிலடி கொடுத்தால், இந்த நிறுவனங்களின் வணிகம் பாதிக்கப்பட்டு, அமெரிக்க பொருளாதாரத்தில் நேரடியாக தாக்கம் ஏற்படுத்தும்.