ராஞ்சியிலிருந்து டெல்லிக்குச் சென்ற ஏர் ஆம்புலன்ஸ் ஜார்க்கண்டின் சத்ரா மாவட்டத்தில் விபத்துக்குள்ளானதில் அதில் பயணம் செய்த ஏழு பேரும் உயிரிழந்தனர். பலியானவர்களில் தீக்காயமடைந்த நோயாளி, அவரது மனைவி மற்றும் மருத்துவப் பணியாளர்கள் அடங்குவர். மாலை 7:11 மணிக்கு புறப்பட்ட விமானம், மோசமான வானிலை காரணமாக கொல்கத்தா ஏடிசியுடனான தொடர்பை இழந்தது. வாரணாசி அருகே ராடாரில் இருந்து மறைந்த விமானம் அடர்ந்த காட்டுப்பகுதியில் விழுந்து நொறுங்கியது.

சாலை வசதி இல்லாத அடர்ந்த காட்டில் எஸ்எஸ்பி வீரர்கள் உடல்களை சுமந்து வந்து மீட்டனர். பாதிக்கப்பட்ட குடும்பத்தினர் கடன் வாங்கி இந்த ஏர் ஆம்புலன்ஸை வாடகைக்கு எடுத்திருந்தனர் என்பது குறிப்பிடத்தக்கது. மத்திய விமான விபத்து விசாரணை பிரிவு (AAIB) தற்போது ரெட் பேர்ட் ஏவியேஷன் நிறுவனத்தின் பாதுகாப்பு தணிக்கை அறிக்கைகளை ஆய்வு செய்து விபத்து குறித்து தீவிர விசாரணை நடத்தி வருகிறது.