சோயாபீன்ஸ் சாப்பிடுவது ஆண்களின் ஹார்மோன்களை பாதிக்கும் என்ற தவறான கருத்து நிலவுகிறது. ஆனால் இதில் உள்ள பைட்டோஈஸ்ட்ரோஜன்கள் தாவர அடிப்படையிலானவை என்பதால் அவை ஆண்களுக்கு எந்தப் பாதிப்பையும் ஏற்படுத்தாது என்று நிபுணர்கள் கூறுகின்றனர். உடல் அமைப்பில் மாற்றம் ஏற்படும் என்பதற்கு எவ்வித அறிவியல் ஆதாரமும் இல்லை.

புரதம் மற்றும் நார்ச்சத்து நிறைந்த சோயாபீன்ஸ் இதய ஆரோக்கியத்தை மேம்படுத்தி கொழுப்பைக் குறைக்க உதவுகிறது. சரியான முறையில் சமைத்து உட்கொண்டால் இது அனைத்து வயதினருக்கும் ஏற்றது. தேவையற்ற அச்சத்தைத் தவிர்த்து ஆரோக்கியமான உணவாக இதைத் தாராளமாகச் சேர்த்துக் கொள்ளலாம்.