புதிதாக கட்டப்பட்ட ‘சேவா தீர்த்தத்தில்’ பிரதமர் நரேந்திர மோடி தலைமையில் நடைபெற்ற முதல் அமைச்சரவைக் கூட்டத்தில், கேரள மாநிலத்தின் பெயரை ‘கேரளம்’ என மாற்ற வரலாற்றுச் சிறப்புமிக்க ஒப்புதல் வழங்கப்பட்டது. மேலும், ஸ்ரீநகர் விமான நிலையத்தின் புதிய ஒருங்கிணைந்த முனையம் மற்றும் அகமதாபாத் மெட்ரோ விரிவாக்கம் போன்ற முக்கிய உள்கட்டமைப்பு திட்டங்களுக்கு அரசு பச்சைக்கொடி காட்டியுள்ளது.

இந்தக் கூட்டத்தை தேசப்பணிக்கான ‘கடமை யாகம்’ என்று பிரதமர் மோடி வருணித்துள்ளார். சணல் பயிருக்கான குறைந்தபட்ச ஆதரவு விலையை (MSP) குவிண்டாலுக்கு ₹5,925 ஆக உயர்த்த அமைச்சரவை முடிவு செய்துள்ளது. மின்சாரம் மற்றும் ரயில்வே துறைகளில் மேற்கொள்ளப்படவுள்ள பெரும் சீர்திருத்தங்கள் நாட்டின் வளர்ச்சியை மேலும் துரிதப்படுத்தும் என எதிர்பார்க்கப்படுகிறது.