செய்தி பிரிவு : இன்றைய பரபரப்பான வாழ்க்கை முறையில் முடி கொட்டுதல் மற்றும் எலும்பு தேய்மானம் போன்ற பிரச்சனைகள் பொதுவானதாகிவிட்டன. விலையுயர்ந்த மருந்துகளை தேடி அலையாமல், இயற்கையான முறையில் வீட்டிலேயே தயாரிக்கும் இந்த லட்டு உங்கள் ஆரோக்கியத்தில் பெரிய மாற்றத்தை ஏற்படுத்தும். சர்க்கரை அல்லது வெல்லம் சேர்க்காமல் தயாரிக்கப்படும் இது, உடலில் கால்சியம் சத்தை அதிகரித்து உங்களை சுறுசுறுப்பாக வைத்திருக்க உதவும்.

ஆளி விதை, பூசணி விதை, சூரியகாந்தி விதை மற்றும் பேரீச்சம்பழம் கொண்டு தயாரிக்கப்படும் இந்த லட்டு, மூட்டு வலியை குறைப்பதில் முக்கிய பங்கு வகிக்கிறது. விதைகளை வறுத்து பொடி செய்து, பேரீச்சம்பழத்துடன் சேர்த்து உருண்டைகளாக பிடித்தால் சத்தான லட்டு தயார். இதை தினமும் சாப்பிட்டு வந்தால் நோய் எதிர்ப்பு சக்தி அதிகரிப்பதோடு, சருமமும் பளபளப்பாக மாறும். எளிய முறையில் ஆரோக்கியத்தை மேம்படுத்த இது ஒரு சிறந்த வழியாகும்.