சமையலுக்கு சுவை கூட்டும் மசாலாப் பொருட்களில் இஞ்சி முக்கியமானது. தினசரி இஞ்சியை அரைக்கும் சிரமத்தைத் தவிர்க்க, நீங்கள் இப்போது வீட்டிலேயே ஜிஞ்சர் பவுடர் அல்லது இஞ்சிப் பொடியை எளிதாகத் தயாரிக்கலாம். இந்த பொடியை தயாரித்து வைப்பது நேரத்தை மிச்சப்படுத்தும், மேலும் சுவையிலும் எந்த மாற்றமும் இருக்காது. முதலில், புதிய இஞ்சியை நன்றாக கழுவி, தோலை உரிக்க வேண்டும்.

தோல் நீக்கப்பட்ட இஞ்சியை முடிந்தவரை மெல்லியதாகவும், ஒரே மாதிரியான தடிமனாகவும் வெட்டவும். பின்னர், துண்டுகளை ஒரு பாத்திரத்தில் பரப்பி, அவை மொறுமொறுப்பாக மாறும் வரை மூன்று முதல் நான்கு நாட்கள் வெயிலில் நன்கு உலர்த்த வேண்டும். முழுமையாக காய்ந்த பின், அதை மிக்ஸியில் போட்டு சிறிது சிறிதாக அரைத்து, உலர்ந்த, காற்றுப் புகாத கொள்கலனில் சேமிக்கலாம். தேவைப்படும்போது, இந்த பொடியை நேரடியாகவோ அல்லது தண்ணீரில் கலந்தோ பயன்படுத்தலாம்.