சபரிமலைக்கு இருமுடி கட்டு இல்லாமல் செல்லும் பக்தர்களுக்கு புதிய கட்டுப்பாடுகள் விதிக்கப்பட்டுள்ளன. திருவிதாங்கூர் தேவசம்போர்டு அறிவிப்பின்படி, இருமுடி கட்டு இல்லாத பக்தர்கள் காலை 6 மணி முதல் இரவு 9.30 மணி வரை மட்டுமே தரிசனத்துக்கு அனுமதிக்கப்படுவார்கள்.

இந்த முடிவின் மூலம், இருமுடி கட்டுடன் பக்தர்கள் அதிக நேரம் சாமி தரிசனம் செய்ய வசதியாக இருக்கும் என தேவசம்போர்டு விளக்கமளித்துள்ளது. இது பக்தர்கள் பெருமளவு வருகை தரும் நாள்களில் கோயிலுக்குள் ஒழுங்குமுறையை மேம்படுத்தும் நோக்கத்துடன் மேற்கொள்ளப்பட்ட நடவடிக்கை என்பதும் குறிப்பிடத்தக்கது.

இந்த புதிய நடைமுறையால் பக்தர்கள் திட்டமிட்ட நேரத்தில் சென்று தரிசனம் செய்வதற்கும் கோயிலின் இயல்பு நிலையை பராமரிக்கவும் உதவும் என எதிர்பார்க்கப்படுகிறது.