தமது திருமணம் குறித்த தகவலை ஊடகங்களுக்கு கசியவிட்ட நபர் யார் என்று தீவிரமாக தேடி வருவதாக நடிகை தன்ஷிகா வருத்தத்துடன் தெரிவித்துள்ளார். இன்னும் சில காலம் சுதந்திரமாக இருக்க வேண்டும் என்றும், திருமணம் குறித்து பொதுவெளியில் அறிவிக்கும் எண்ணம் தங்களுக்கு இப்போதைக்கு இல்லை என்றும் அவர் குறிப்பிட்டுள்ளார். ஆனால், எதிர்பாராத விதமாக வெளியான தகவல் தங்களை விரைவில் அதிகாரப்பூர்வமாக அறிவிக்க வைத்துவிட்டதாக தன்ஷிகா கூறியுள்ளார்.

இருப்பினும், இந்த சூழ்நிலையிலும் நடிகர் விஷால் மீதான தனது அன்பையும் மகிழ்ச்சியையும் தன்ஷிகா வெளிப்படுத்தியுள்ளார். நடிகர் என்பதைத் தாண்டி, விஷாலை ஒரு நல்ல மனிதராகவும், உணர்வுப்பூர்வமாகவும் மிகவும் விரும்புவதாக அவர் நெகிழ்ச்சியுடன் கூறியுள்ளார். மேலும், தங்கள் காதலை மேலும் அழகாக்கும் விதமாக விஷாலின் பிறந்தநாளான ஆகஸ்ட் 29-ம் தேதி திருமணம் செய்து கொள்ள முடிவு செய்திருப்பதாகவும் அவர் மகிழ்ச்சியுடன் தெரிவித்தார். இந்தத் தகவல் கசிந்தாலும், தங்கள் திருமணம் திட்டமிட்டபடி சிறப்பாக நடைபெறும் என்று தன்ஷிகா நம்பிக்கை தெரிவித்துள்ளார்.